Quiosco: Revista Volvoreta nº1

A Deputación provincial da Coruña e o Concello de Cambre patrocinan a nova revista que editará a Fundación Wenceslao Fernández Flórez, Volvoreta, segundo informa hoxe o xornal La Opinión. A revista de carácter anual preséntase este xoves 15 e o volume, de case 400 páxinas, inclúe un monográfico sobre o libro Volvoreta, traballos sobre o periplo percorrido pola adaptación cinematográfica deste relato de Fernández Flórez, un DVD coa película de 1917, e dous guións facsímiles inéditos de dúas obras que non chegaron a rodarse do autor. A revista, editada por Vía Láctea, non ten carácter venal, co cal non estará á venda pero poderá ser consultada por investigadores. Está dirixida por Xosé María Dobarro, e profesores das universidades Pompeu Fabra, Complutense de Madrid, Compostela, Brooklyn Collegue, Université Louis Lumiere Lyon II ou a Universidad del País Vasco figurán no seu comité científico. Este primeiro volume presentarase en sociedade este venres ás 19.30 horas en Cecebre, na sede da fundación Fernández Flórez.