Imaxe de presentación de Os golfiños e o xigante
Compostela acollÃa o pasado domingo, no marco do Festival Galicreques, a estrea do último traballo de Fantoches Baj.
Os golfiños e o xigante é un espectáculo de sombras chinesas baseado no texto homónimo co que Inacio Vilariño obtivo en 2016 o XII Premio Barriga Verde de textos para teatro de monicreques infantil. A obra conta unha historia real, a do xigante Bao Xi Shun, considerado polo Libro Guiness dos Records o home máis alto do planeta, que conseguiu, grazas ó seu longo brazo, salvar uns golfiños dunha morte certa. Inacio Vilariño, Larraitz Urruzola e Luchi Iglesias levan a escena esta fábula que conta con música de Benxa Otero. O Auditorio Municipal de Ourense, o 29 de novembro, e Fórum Metropolitano da Coruña, o 29 de decembro, son as vindeiras datas previstas para o espectáculo.
