A AELG analiza a evolución da poesía galega nun congreso

Co título de "Nós tamén navegar. 40 anos de poesía galega", a Asociación de Escritores en Lingua Galega organizan un congreso de poesía que se celebrará en Pontevedra entre o 6 e o 7 de outubro de 2017. O obxectivo do congreso, segundo a organización, é "facer unha revisión da poesía galega nos últimos catro decenios, un exame da súa situación actual e do peso da poesía no sistema literario e na sociedade galega". A tradución, a interacción da poesía co ensino, coas ciencias ou coa lingua, a retrospectiva e análise son algúns dos temas deste congreso.