Hoxe chega a Vigo, procedente da Morgan Library de Nova York, o pergameo Vindel. Nel consérvanse as cantigas de Martín Códax e a súa notación musical. O pergameo estará depositado no Museo do Mar de Vigo, nunha sala construída especificamente para cumprir as condicións de conservación esixidas pola Morgan Library. Alí poderase ver a partir do 10 de outubro, canda un importante repertorio de outras corenta pezas medievais que darán conta non só da relevancia do pergameo, senón tamén do seu tempo.
