Armando Requeixo gaña o Reimóndez Portela

O crítico e investigador literario Armando Requeixo fíxose co Premio Xornalístico Reimóndez Portela de Xornalismo na súa XXII edición. Requeixo obtivo o galardón pola publicación de cinco artigos no Faro de Vigo, no seu suplemento Faro da Cultura, de temática literaria. Foron os textos "Rosalía voa alto", "Palabras para o Alén", "Lingua Zombi", "Cando iso non pode pasar aquí""e "De rosas e letras"). A dotación económica do premio é de 1000 euros. Ao tempo, o xornalista do medio dixital GCiencia gañou o premio Galicia de xornalismo científico, a partir dunha reportaxe sobre a Ataxia SCA36, unha doenza de orixe xenética propia da Costa da Morte.