A X Xornada de literatura de tradición oral estuda as palabras como memoria

A Asociación de Escritores en Lingua Galega (AELG) abriu o prazo de inscrición para a X Xornada de Literatura de Tradición Oral, que nesta ocasión estará centrada nas "palabras con memoria". Coa participación de especialistas en especialistas en toponimia, onomástica, lexicografía ou fraseoloxía, o evento deterase no sistema antroponímico, prestará atención aos valores antropolóxicos e míticos na fraseoloxía galega ou buscará a relación entre toponimia e lendas. A xornada celebrarase en Lugo o 21 de outubro e xa está aberto o prazo de inscrición.