Nova Galega de Danza recibe o premio do público na MIT de Ribadavia

Tras o final da Mostra Internacional de Teatro de Ribadavia resultou merecente do premio do público o espectáculo SON, de Nova Galega de Danza, que obtivo unha puntuación de 4,79 sobre 5, seguido do espectáculo La Ternura, dirixido por Alfredo Sanzol e en terceiro lugar Chévere. A organización do festival valorou moi positivamente a puntuación de todos os espectáculos, que superan os catro puntos en todos os casos. A MIT acolleu este ano máis de vinte representacións.