Presentan vocabularios galego-italiano das Belas Artes

A USC e o Centro Ramón Piñeiro presentaron onte tres vocabularios galego-italiano orientados á investigación e xestión das Belas Artes, dedicados de maneira específica a arquitectura, pintura e escultura. Os autores foron Consuelo de Frutos, Cristina Marchisio, Benedict Buono e Ana M.ª Domínguez Ferro, falecida en xaneiro deste ano. Segundo Valentín García, secretario Xeral de Política Lingüística, os manuais inciden "na proxección do noso idioma no mundo por medio do sector do turismo cultural e o mundo das belas artes".