A Coruña lanza unha iniciativa de microresidencias artísticas

O concelleiro de Culturas da Coruña, José Manuel Sande, presentou un proxecto de microresidencias artísticas dentro do plan "Cultura de Barrio" que financia o concello corunés. A iniciativa ten o título de '1+1 Play. Artistas en microresidencia', está promovida pola asociación cultural "Sen ánimo de nome" e inclúe "un programa de actividades creativas e abertas á cidadanía". O programa "Cultura de Barrio" é unha liña de axudas promovida polo concello da Coruña que financiará uns 17 proxectos culturais este ano. A proposta iníciase con 1+1 Play, en Monte Alto e Peixería.