A RAG insta ao Rexistro Civil a admitir a galeguización do apelido "Rey"

A Real Academia Galega emitiu un comunicado sinalando o incumprimento da normativa legal por parte do Rexistro Civil de Corcubión ao negarse a galeguizar o apelido "Rey" por "Rei", por entender que pertencce ao "acervo nacional". A RAG sinala que o argumento do funcionario sitúase "no ámbito das opinións ideolóxicas particulares e non ten base científica nin legal" e reafírmase en que esa mudanza é lexítima desde o punto de vista lingüístico. A Mesa pola Normalización Lingüística organizou onte día 3 unha concentración de protesta diante do organismo.