Unha suposta infracción da Lei de Normalización Lingüística en preto de noventa centros de ensino públicos e privados levará a Mesa pola Normalización Lingüística a presentar denuncias ante os xulgados. A Mesa levará adiante esta acción despois de que a Xunta negase a veracidade das súas reclamacións á Inspección do ensino e porá unha denuncia contra vinte inspectores de Educación por incumprimentos da normativa en trinta centros. Na súa reclamación a Mesa advirte de outros 60 centros que tamén incumpren a lei e que poden ser denunciados se non se corrixe a situación. Nestes días a Mesa tamén fixo pública a súa felicitación para a parella de Santiago que conseguiu que no Rexistro Civil se respectasen os seus dereitos e se dispuxera de documentación en galego para rexistrar o seu casamento.
