Manuel Gallego Jorreto. Fotografía do web da Academia de Belas Artes.
Despois de Álvaro Siza, a Real Academia Galega de Belas Artes acaba de incorporar outro arquitecto ao seu cadro de honor. A entidade aprobaba no plenario que celebrou o pasado sábado en Viveiro, a coincidir co Día das Artes, nomear a Manuel Gallego Jorreto como académico de honra. Segundo explica a institución, "a proposta foi amplamente defendida en base aos méritos de tan relevante arquitecto, profesor do Departamento de Proxectos Arquitectónicos e Urbanismo da Escola Técnica Superior de Arquitectura da Universidade da Coruña durante máis de vinte anos, autor de numerosos proxectos e posuidor de importantes premios e distincións". Desde xeito, haberá catro arquitectos entre os seis membros de honra da institución: Andrés Fernández-Albalat, Rafael Moneo, Álvaro Siz e o propio Gallego Jorreto.
