O Auditorio, a Casa da Cultura e a praza de Cangas serán mañá, 4 de marzo, os escenarios de Atalaia. Este proxecto que comisaria Francisco Porto fará da vila mariñeira un espazo dedicado á arte contemporánea no que cada un dos espazos acollerá unha iniciativa artística diferenciada. Deste xeito a Casa da Cultura concentrará unha mostra dos traballos fotográficos de cinco artistas arredor do territorio, mentres na praza enfrontaransese os gravados de estudantes de Belas Artes cunha selección de obra de sete creadores. Finalmente o Auditorio expón o labor de artistas galegos novos que mesturan tradición e vangarda. Nomes como Juan Fontiña, Iago Fernández Díaz, Nilo Arias, Yatir Fernández, Juan Fontaíña, Julia Huete, Xisela Franco ou Pablo Barreiro, entre un total de trinta participantes, fan parte do programa.
Atalaia nace coa intención de difundir a arte actual "no territorio periférico da contemporaneidade galega" da man da revista Latamuda e coa colaboración do Concello de Cangas e da Facultade de Belas Artes de Pontevedra.
