Unha maxistrada do xulgado número 3 de Pontevedra dictou sentenza pola cal ditaminaba que o concello de Lalín non pode emitir unha licenza de obra para que Fenosa constrúa unha liña de alta tensión que afecte á Fraga de Casas Vellas (Catasós). O proxecto da compañía eléctrica espertara unha gran mobilización social en Lalín e na comarca do Deza en favor desta fraga na que se conservan un gran número de árbores autóctonas centenarias e que ten a categoría de Monumento Natural outorgado pola Xunta.
