A RAG leva os retratos de Rosalía a Internet

A RAG ofrece desde hoxe no seu arquivo dixital en Galiciana os retratos de Rosalía de Castro que conserva, e que foron realizados en diferentes momentos da súa vida, ou realizados con posterioridade. Entre eles, as fotografías máis icónicas da escritora, como a realizada no estudo de Sellier, na Coruña, na que aparece cun chapeu de prumas ou o famoso retrato familiar na Casa da Matanza (Iria).