Retrato de Paula Fernández con xoia realizada por Celia Sancho. Autor da fotografía: Ismael Torres
Hoxe inaugúrase unha campaña cunha asociación inusual: a reivindicación da boina e da lingua galega ao mesmo tempo. A través de Galteo, o espazo de dinamización da lingua da Escola Mestre Mateo e o IES Marco do Camballón de Vila de Cruces elaborouse o proxecto "A lingua, a arte da túa terra. Boinas en Compostela", no que se presentan a persoeiros coñecidos da vida social e cultural da cidade vestindo boina e explicando a súa relación coa lingua galega. Nos retratos, realizados polos alumnos de Fotografía, as persoas aparecen levando as boinas personalizadas cos complementos deseñados e realizados polo alumnado de Xoiaría da Mestre Mateo. En total, hai vinte retratos distribuídos polas rúas de Compostela.
