Cómaros. Revista Interdisciplinar de Pensamento Galego acaba de publicar na rede o seu segundo número. Un total de cinco artigos compoñen esta nova entrega, que repasa, segundo informa o xornal da Universidade de Vigo, temas como "a teoloxía de Chao Rego, a obra en galego de Federico García Lorca, a contraposición entre imaxinación e innovación, as artes plásticas galegas durante a Guerra Civil e a obra Shola y Angeliño, de Bernardo Atxaga". David Casado, profesor da Facultade de Ciencias da Educación do campus de Ourense, e Juan R. Coca, do Gir Trans-Real Lab da Universidade de Valladolid dirixen a revista, que conta neste número coas sinaturas de Manuel Rivas García, Rebeca Baceiredo, Luciano Rodríguez, Javier I. Senín Álvarez Patricia Arias. A revista pódese consultar de xeito íntegro na rede.
