O Instituto de Estudios Vigueses acaba de publicar o número 22 de Glaucopis, a revista de temas culturais e históricos centrados na cidade e no sur de Pontevedra. Entre os traballos presentados neste número, hai desde artigos sobre as instalacións salinas da costa de Oia na Antigüidade, de Fernando Costas Goberna ou datos sobre os corsarios na ría de Vigo entre os séculos XVI e XVII, a cargo de Ramón Patiño. Tamén se achegan temáticas sobre ciencias naturais, como sobre as mareas vermellas (Francisco Rodríguez) ou a contaminación na ría de Vigo (de Juan Bellas e outros). Estes son algúns dos contidos do novo número.
