Dous investigadores galegos ingresan na Academia Europea de Ciencias

O catedrático de Química Orgánica da Universidade de Santiago, o alaricano José Luís Mascareñas, acaba de ser seleccionado para ingresar na Academia Europea de Ciencias (EURASC). Canda a el, outro químico galego, Luís Liz Marzán, súmase ao cadro desta institución. Mascareñas dirixe na actualidade o Centro singular de Investigación en Química Biolóxica e Materiais Moleculares (CiQUS) en Santiago de Compostela, mentres Liz Marzán desenvolve a súa carreira en Ikerbasque, Euskadi. Canda a eles, a institución incorporou recentemente ás súas filas científicos doutros lugares de toda Europa.