O teatro Rosalía de Castro da Coruña acolle ás 20:30 horas de hoxe a preestrea de Mimosas. A premiada longametraxe de Óliver Laxe chega ás salas esta semana, e terá a súa posta de longo na compostelá sala Numax, cooperativa que se encarga da distribución da fita. O propio director presentará o seu traballo e participará nun coloquio na sesión de estrea, mañá ás 18 horas, e estará tamén presente no pase previsto para as 20:30. Laxe tamén impartirá o vindeiro día 14 no mesmo local unha aula na que afondará no percorrido creativo que deu pé ao filme.
