Brundibár (O abellón) , é o tÃtulo da ópera infantil ambientada na Checoslovaquia da Segunda Guerra Mundial que leva esta semana a escena a Asociación de Amigos da Ópera da Catedral de Santiago. O proxecto, que conta coa EscolanÃa da Catedral de Santiago e a Orquestra Praeludium, e dirección escénica de Cándido Pazó, "narra a loita de dous irmáns, Aninka (Aniña) e Pepicek (Pepiño), por conseguir os cartos precisos para mercar leite e, dese xeito, axudar na recuperación da súa nai doente. Brundibar é o antagonista da peza e personifica o egoÃsmo, o abuso do poder e o autoritarismo fronte os valores de solidariedade, compañeirismo e a defensa da contorna afectiva encarnadas polos dous irmáns", segundo explica a Asociación. A función poderá verse o 17 de decembro ás 20.00 horas no Teatro Principal de Santiago e o 18 ás 17.30 horas no Auditorio Teatro Afundación de Vigo.
A obra fÃxose coñecida por se ter representado 55 veces en TerezÃn, gueto para os xudeus na República Checa durante a Segunda Guerra Mundial. O seu compositor, Hans Krása, reescribiu alà o libreto e colaborou na súa representación antes de ser deportado a Auschwitz, onde foi asasinado.
