Vivenda sobre o Miño, de Gallego Jorreto.
O vindeiro 21 de outubro o Café Moderno de Pontevedra acollerá o acto de entrega dos Premios Gran de Area 2016. Estes galardóns, que convocan os colexios de arquitectos de Ourense, Pontevedra, Vigo recoñeceron un total de once proxectos distribuídos entre a Cidade Olívica, a das Burgas, Ribadavia, Baiona e A Guarda. Entre as 77 propostas que se presentaron a estes premios anuais, o xurado seleccionou construcións como a Vivenda sobre o Miño de Manuel Jorreto, a vivenda Crisálida de Mauro Lomba na Guarda, o Museo do viño de Ribadavia que deseñaron Manuel Seoane Feijoo, María Jesús Blanco Piñeiro e María Sonia López Calvo ou o Centro de interpretación das fortalezas transfronteirizas do Baixo-Miño realizado por Rodríguez + Pintos Arquitectos.
