Fonte: Web da USC
O Premio María Josefa Wonenburger, que recoñece cada ano traxectorias relevantes de mulleres nos eidos das ciencias e da tecnoloxía, foi este ano para unha matemática. Peregrina Quintela, catedrática de matemática aplicada da Universidade de Santiago obtivo nesta ocasión o galardón, a atender ao seu labor nos campos do "modelado matemático, análise matemático e simulación numérica en modelos de física, enxeñaría e ciencias aplicadas". O Pleno da Unidade de Muller e Ciencia da Xunta de Galicia acordou o pasado venres nunha reunión o nome da homenaxeada que, segundo destacan, "durante a súa carreira combinou a dedicación á ensinanza, investigación e a transferencia de coñecementos e a xestión".
