Meira recupera os murais do mosteiro

Coma en moitos templos galegos, a Sala das Reliquias da igrexa de Santa María de Meira agachaba un importante conxunto de murais do século XVII. As obras, de "gran calidade", estaban conformadas por diferentes conxuntos de decoración e figuras de santos e fundadores da orde cisterciense, algúns deles indicativos da función educativa do mosteiro de Meira, como San Alano. Os traballos de restauración finalizarán en breve e estase avaliando o mecanismo para permitir visitas sen danar as pinturas, segundo informa El Progreso.