O 31 de agosto finou en Salamanca o padre Xosé Luis Laredo Verdejo, o autor da coñecida serie de guías de viaxes Galicia enteira, que editou Xerais en dúas series distintas nos oitenta e nos noventa, así como tamén colaborou con outras editorias galegas como Do Cumio, sempre con títulos de viaxes. Segundo o editor de Xerais, Manuel Bragado, "Galicia enteira formou a unha xeración de galeguistas na descuberta da terra nosa, no coñecemento da súa xeografía e da súa historia, dos espazos naturais e das pezas senlleiras". Laredo Verdejo era sacerdote e nacera na Coruña no ano 1931.
