O novo número da revista La Tribuna, Caderno de Estudos da Casa Museo Emilia Pardo Bazán, achégase no seu monográfico ao tratamento da Primeira Guerra Mundial na obra da escritora. Deste xeito, conta con textos de Isabel Burdial, Eduardo Ruiz-Ocaña Dueñas, que estuda o tratamento do conflito en La Ilustración Artística ou un texto de María Rosario Martínez sobre "Emilia Pardo Bazán y Sofía Casanova, cronistas de la Gran Guerra". A publicación pode descargarse integramente en PDF.
