A Coruña revisa a traxectoria histórica do feminismo

Son unha serie de conferencioas, debate, teatro, danza e intervencións artísticas agrupadas baixo o lema "Contra Vento e Marea. Verbas e pegadas dos feminismos", que se celebrarán os días 3, 4, 10, 11, 17 e 18 de setembro na Casa Museo Emilia Pardo Bazán da Coruña co financiamento da Concellería de Igualdade e a Deputación. As xornadas teñen por obxectivo reivindicar a figura da escritora e primeira catedrática española dunha universidade, Emilia Pardo Bazán, e percorren a traxectoria dos movementos feministas desde o seu nacemento, prestando unha especial atención a Galicia.