Pura e Dora Vázquez serán homenaxeadas na Festa da Palabra

As irmás Pura e Dora Vázquez serán homenaxeadas este sábado 16 de xullo na Ínsua dos Poetas, no Carballiño, no transcurso da Festa da Palabra, unha celebración artístico-literaria. Os asistentes tamén poderán degustar produtos artesáns, nun evento que comezará ás 19 horas. Pura (Ourense, 1918-2006)e Dora Vázquez (Ourense, 1913-2010) foron escritoras. Pura foi unha poetisa vinculada á emigración e Dora Vázquez caracterizouse pola súa narrativa infantil e xuvenil.