Cun espazo expositivo reforzado con novos servizos, accións de dinamización desde os propios postos e un espectáculo especial na tarde-noite da primeira xornada se presentaba esta mañá en Pontevedra a IX edición do Culturgal. A feira das industrias culturais galegas daba a coñecer ao público a imaxe as liñas principais da nova xeira, que se celebrará no Pazo da Cultura da Cidade do Lérez entre os dÃas 2 e 4 de decembro.
Cultura, comunidade, futuro é o lema baixo o que se desenvolverá o encontro, no que a organización quere destacar o colectivo de artistas, empresarios, xestores, técnicos, escritores, xornalistas e públicos que veñen participando en Culturgal ano a ano. Segundo explica a organización, "a comunidade enténdese como xeito de asumir novos retos desde o punto de vista profesional e como concepto imprescindible resultante de compartir cultura e lingua".
O evento ten aberto o prazo de reserva de postos e, ata o vindeiro dous de outubro, pódense enviar propostas para elaborar o programa da nova xeira.
