Máis de 3500 persoas estudan portugués en Galicia

Valentín García, secretario xeral de Política Lingüística da Xunta, informou no Parlamento de que nestes momentos uns 3500 estudantes seguen estudos de Lingua Portuguesa en centros oficiais de ensino de Galicia. García manexou datos tanto da materia optativa como segunda lingua estranxeira como a través do convenio co instituto Camôes. Asimesmo, o secretario xeral tamén indicou que "na última xuntanza da Comunidade dos Países de Língua Portuguesa (CPLP) foille transmitido que Galicia é candidata firme a formar parte desta organización do máximo nivel no ámbito da Lusofonía".