O filólogo Valentín García Gómez (Silleda, 1970) é o novo secretario xeral de Política Lingüística. Ata o momento era o responsable do servizo de Normalización Lingüística do Concello da Estrada, ademais de ser o secretario e coordinador técnico da Rede de Dinamización Lingüística recentemente creada. García substitúe a Anxo Lorenzo, que foi nomeado secretario xeral de Cultura a semana pasada, trala remodelación do goberno galego.
