Foto: Catedral de Santiago
Non é habitual que coleccionistas privados galegos accedan a amosar as súas pezas, e menos nunha exposición tan ampla como a que se pode visitar no Pazo de Xelmírez de Santiago de Compostela. Alí pódense admirar a selección de 88 pezas de alabastro que o coleccionista coruñés Xaime Trigo foi atesourando ao longo de varias décadas de busca por todo o mundo. A selección discorre entre os séculos I e XX, e permite ver a evolución do uso artístico deste material, no que destacan as Virxes de Trapani ou as esculturas elaboradas en Nottingham, un dos centros históricos da elaboración deste material.
