O Diario Oficial de Galicia recolle hoxe a convocatoria de subvencións para a edición en lingua galega de recursos didácticos curriculares para niveis non universitarios. En total son 170.000 euros aos que poden optar editoriais do país para garantir unha "oferta suficiente de materiais didácticos naquelas áreas en que a lexislación educativa determine que a lingua galega sexa a vehicular da súa aprendizaxe". As entidades interesadas en participar desta convocatoria teñen un mes a partir de hoxe para facer a súa solicitude.
