Teatro, danza e música danse cita na primeira edición de Imperdible, o Festival Internacional de Improvisación de Galicia que se celebrará en Compostela entre o 9 e o 22 de maio vindeiros. O proxecto inclúe espectáculos, obradoiros, jams, concertos ou maratóns a cargo de creadores como Feña Ortali, Al Tran Trán Impro, Sergio Paris, Aló Foi, a Compostela Impro Big Band ou Os Duguis Intro entre outros. O programa inclúe ademais un apartado formativo no que se impartirán nocións sobre a improvisación na danza, na dramaturxia ou na música.
