O Consello da Cultura Galega difundiu esta fin de semana o primeiro avance de Galicia 100. Obxectos para contar unha cultura, un amplo proxecto que tenta contar a cultura galega a través de cen obxectos da Historia do país, na liña de diferentes proxectos levados a cabo en países do mundo anglosaxón. O proxecto substánciase nunha exposición acollida na sede de Afundación na rúa do Vilar, en Santiago de Compostela, a partir do 10 de maio, e que logo itinerará á Coruña e Vigo. Ademáis, Galicia 100 disporá dunha publicación, unha app interactiva, modelos 3D e animacións que proporcionarán ao visitante e lector unha experiencia multimedia. Hoxe comeza a emitirse na Televisión de Galicia, no programa Zigzag, unha escolma de vídeos dos obxectos seleccionados.
Mira a primeira das animacións en vídeo que promocionan Galicia 100:
