Manuel Rivas e María do Cebreiro fanse cos Premios da Crítica

O último día de Terranova, de Manuel Rivas, foi considerado polo xurado dos Premios da Crítica como a mellor obra de narrativa en lingua galega do pasado ano. Pola súa banda, o premio que recoñece a mellor obra de poesía na nosa lingua foi para O deserto de María do Cebreiro. A Asociación Española de Críticos Literarios, que coordina este galardón, daba a coñecer este 23 de marzo os resultados das diferentes categorías.