Marcos Calveiro e Chus Pato levan o galardóns da Crítica 2009

Os premios da Crítica Española que se fallaron esta fin de semana, tiveron a Marcos Calveiro e a Chus Pato coma gañadores nas categorías en lingua galega. Festina Lente, de Calveiro, foi seleccionada como mellor obra de narrativa na nosa lingua, mentres que o premio de poesía foi para Pato polo seu traballo Hordas de escritura. Os premios, organizados pola Asociación Española de Críticos Literarios, falláronse o pasado venres no Palacio da Magdalena de Santander e foron seleccionados por un comité de cincuenta especialistas.