Luís Davila e Carlos Blanco recuncan con Menú da noite

Logo do éxito do seu Menú do día, o actor Carlos Blanco e o debuxante Luís Davila renovan a súa colaboración con Menú da noite. A seguir a fórmula do primeiro, o novo espectáculo combina as ilustracións de Davila ao vivo coas historias que narra Blanco, a derrochar grandes doses de humor sobre a nosa realidade máis próxima. Neste novo formato, o dúo asegura elaborar caldo ao vivo e inclúe un número de danza entre outras novidades. Animación, sachos e claqué combinan nesta montaxe que, logo dunha preestrea na Illa de Arousa, comezou xira en Vilagarcía o pasado día 2. Outras datas confirmadas son o 23 de abril en Vigo, o sete de maio en Ourense e o oito en Pontevedra e mais o 17 e o 18 de xuño na Coruña.

Os Coros de Menú da Noite from MM | Marcos Martinez on Vimeo.