Vinte e sete espectáculos teatrais, tres concertos, dúas montaxes de danza, un espectáculo de tango, unha exposición e propostas formativas compoñen o programa da XXI Miteu de Ourense. A Cidade das Burgas acollía esta semana a presentación da nova xeira do encontro de teatro universario, que se celebrará entre o 15 e o 30 de abril coa presenza de compañías de oito países, e que quere nesta ocasión atender ao drama dos refuxiados e os conflitos bélicos que provocan estas migracións. Tamén haberá ocasión para conmemorar o cuarto centenario da morte de Cervantes, coa representación de Don Quijote, de Teatro de la Resistencia.
