Comeza en Ourense FITO, o primeiro festival de teatro internacional da cidade

Espectáculos de pequeno, mediano e grande formato pero todos eles seguindo os mesmos criterios “excelencia e cualidade”. Así se resumen no sitio web as claves de FITO, o primeiro Festival de Teatro Internacional de Ourense. Un encontro dirixido por Ánxeles Cuña que achega a compañías coñecidas como Els Joglars ou La Cuadra xunto con europeas, como a danesa Odín Teatret ou a portuguesa Mundo Perfeito. Dous espectáculos cómicos que abordan o mundo da morte e os funerais máis unha montaxe sobre a influencia da lúa en varias cidades europeas abren hoxe a sesión inaugural. Por diante quedan sete días de moito teatro que fan parte de Teatrauria, dun ambicioso plan do concello para achegar o teatro á cidade das Burgas.