O Salón do Libro de Pontevedra ten conto propio na súa nova xeira

As peripecias de Extravaganzza Pérez é o título da obra que Ledizia Costas, premio nacional de Literatura Infantil e Xuvenil 2015 escribiu con ocasión do Salón do Libro Infantil e Xuvenil de Pontevedra. O evento, que abrirá as súas portas o vindeiro 1 de abril, celébrase nesta ocasión baixo o lema Canta bichería e ambiéntase precisamente na obra de Costas. A concelleira de Cultura de Pontevedra, Anxos Riveiro, presentaba onte o programa desta XVII xeira, que concentra un total de 320 actividades abertas ao público xeral e outras 132 orientadas a centros de ensino. Entre as novidades deste ano están colaboracións coa ONCE e con colectivos que traballan sobre o Autismo e a Parálise Cerebral. Ademais, un acordo co Cineclube Pontevedra integrará nas actividades a proxección de filmes para os máis novos.