Quiosco: A RAG presenta o seu Boletín número 375

A última publicación da Real Academia Galega está xa dispoñible na rede. O número 375 do Boletín da Real Academia Galega compila nove estudos e alocucións emitidos desde a Academia arredor da figura de Xosé María Díaz Castro en 2014. Armando Requeixo, Carmen Blanco, Luís González Tosar, Félix Villares Mouteira, Xesús Manuel Valcárcel, Xosé Manuel Salgado, María Xesús Nogueira, Alfonso Blanco Torrado e Xesús Alonso Montero asinan as diferentes análises sobre o poeta. Ademais, o volume achega outros tres estudos sobre distintos aspectos da lingua, das letras e a cultura galega entre os séculos XVIII e XIX.