Quiosco: A Xanela, 37

Como é habitual, a entrega de primavera de A Xanela, Revista Cultural das Mariñas que publica a asociación Eira Vella de Betanzos, ten o seu eixe no homenaxeado do Día das Letras. Xosé María Díaz Castro protagoniza un extenso dosier no que se recollen as súas relacións con Betanzos e textos sobre o poeta da man de Armando Requeixo, Xulio Xiz ou Alfonso Blanco Torrado, canda a varios poemas do propio Díaz Castro. Ademais, colaboradores habituais como Maxi Rei, Víctor Tizón, Sabela Arias ou Gabriela Rodríguez completan as seccións de creación literaria, recensións musicais e novidades editoriais.