Quiosco: A Xanela, 39

Un concerto de Mini e Mero servía o pasado 19 de xuño para presentar o número 39 de A Xanela. Revista cultural das Mariñas. A Asociación Cultural Eira Vella presenta nesta nova entrega, correspondente á primavera de 2015, un volume que dedica boa parte dos seus contidos a Xosé Filgueira Valverde, homenaxeado no último Día das Letras. Un repaso da súa vida e obra complétase coa recuperación de varios artigos do propio Filgueira e outro de Borobó sobre este persoeiro. A maiores, as habituais seccións de banda deseñada, creación literaria ou patrimonio, con nomes como Gabriela Rodríguez, Elena Veiga, Miguel Mato, Víctor tizón, Moncho do Orzán, Xosé Luís Sobrino ou Maxi Rei entre outros.