Este sábado a Coordinadora de Traballadores/as de Normalización da Lingua celebrou a súa asemblea xeral en Compostela. O encontro serviu para celebrar os vinte anos de existencia desta entidade cun xantar e unha sesión vermut. Ademais, a organización renovou a súa xunta directiva, logo do anuncio de Nel Vidal, o anterior presidente, de que abandonaba o posto para propiciar unha renovación no colectivo. Como resultado do encontro, os profesionais da normalización escolleron a Anxos Sobriño, traballadora no equipo de lingua da Audiencia Provincial de Pontevedra, como nova cabeza.
Canda a ela, integran o novo equipo directivo Rosa Moreiras, como secretaria, Queca Carballo, como tesoureira e Adela Pita, David Cobas, Dores S. Alegre, Silvia Muíño, Soco G. Conde e Tono Formoso como vocais.
