O padroado da Fundación Laxeiro acordou outorgarlle o galardón que leva o nome do pintor a Amancio Prada na súa XIII edición. O premio recoñece "o labor na difusión e universalización da Cultura galega, neste caso, no eido das letras e da música", que desenvolve o cantor berciano. A Fundación lembra que Prada musicou "poemas de autores como Rosalía de Castro, Álvaro Cunqueiro, ademais da lírica popular galega e a lírica trobadoresca galaico portuguesa e mesmo a obra en galego de Lorca, en numerosas referencias discográficas e espectáculos que, sen dúbida contribuíron dunha forma decisiva a universalizar as letras, a música e a cultura galegas".
A entrega desenvolverase o vindeiro 19 de febreiro no transcurso da comida coa que a fundación conmemora anualmente o pintor.
A entrega desenvolverase o vindeiro 19 de febreiro no transcurso da comida coa que a fundación conmemora anualmente o pintor.