A Academia de Ciencias recoñece investigacións sobre nanotecnoloxía

Un acto en Compostela servía onte de marco para a entrega dos Premios de Investigación Ernesto Viéitez da Real Academia Galega de Ciencias. O Premio de Investigación recoñeceu o traballo do grupo Diagnóstico Condutual e Molecular aplicado á Saúde sobre a seguridade das nanopartículas metálicas de óxido de ferro con potenciais usos en biomedicina. Na categoría de Promoción de Novos Investigadores, o galardón foi para o químico da Universidade de Vigo Miguel Alexandre Ramos, tamén por un traballo centrado nas nanopartículas.

A seguir coa súa renovación, a institución incorporará ao longo deste ano catro novos membros. Segundo anunciou onte o presidente da entidades, integraranse José Ramón Cancelo da Torre, economista, José Juán Pazos Arias, enxeñeiro de telecomunicacións, Juan José Nieto Roig, matemático e Juan Lema Rodicio, enxeñeiro químico.