Xosé Duncan, Alex Bayorti e Martinho Terrafria, son os responsables de Lermos.gal, un web que acaba de abrir hoxe e que se presenta como "o punto de encontro da literatura en galego". O proxecto, que se define como unha revista en liña dedicada ao mundo das letras na nosa lingua pretende "informar e divulgar de xeito programado e ordenado sobre os acontecementos literarios máis sobranceiros, as últimas novidades editoriais e todos aqueles temas que sexan susceptÃbeis de se converter en noticia". Reportaxes, entrevistas, unha axenda de eventos e novidades editoriais fan parte desta nova canle, que nace "cunha clara vocación de cara ás redes sociais, a través das que traballaremos pola difusión dos contidos literarios na nosa lingua". A iniciativa anúnciase como aberta a achegas e colaboracións de todos os interesados.
