Fosfatina publica La Cueva de Begoña García Alén

A colección Fosfatina 2000, da editora viguesa Fosfatina acaba de sumar un novo título. La Cueva, de Begoña García-Alén, súmase a esta serie de publicacións impresas en risografía cunha obra de dezaseis páxinas en duotono que conta a historia dunha busca. A tiraxe está limitada a 150 exemplares. En paralelo, David Buceta acaba de recuperar o seu personaxe Capitán Pepinillo nun volume autoeditado de 100 páxinas no que se inclúen múltiples extras e colaboracións. Capitán Pepinillo: Resurrección sae á luz nunha edición limitada de 200 exemplares.