David Buceta anuncia vindeiros traballos con FX Gràfic

Xa se coñece o título da serie que o galego David Buceta vai desenvolver en colaboración con David Braña para a nova revista “Femme X”. “She-Riff” é o título deste proxecto de catro páxinas. Ao tempo, Buceta anuncia que para finais de marzo está prevista a edición de “La selva de Cristal” na mesma editora, FX Gràfic. A obra é unha parodia da serie de filmes de Bruce Willis. A maiores o autor, anuncia que ten confirmada a publicación dunha versión humorística de Batman e que traballa noutra sobre Star Trek para a mesma firma.